İsrail rəsmiləri hazırda Qəzza zolağında saxlanılan girovların azad edilməsi üçün intensiv danışıqlar aparır.

Parol.az xəbər verir ki, bunu İsrailin baş naziri Benyamin Netanyahu girovların yaxınları ilə söhbətində deyib.

"Baş nazir onları girovların azad edilməsi üçün atılan addımlar və bu günlərdə aparılan intensiv danışıqlar barədə məlumatlandırıb. Baş nazir həm diri, həm də ölü bütün girovların qaytarılmasına sadiqliyini bir daha bəyan edib", - baş nazirin ofisinin bəyanatında deyilir.

Qeyd edək ki, İsrail tərəfinin son məlumatına görə, HƏMAS hazırda Qəzzada 24 diri və 35 ölü girovun cəsədini saxlayır.