“Ifly” aviaşirkəti mayın ikinci yarısından etibarən Rusiya ilə işğal altındakı Abxaziya bölgəsi arasında uçuşlara başlayacaq.

Parol.az xəbər verir ki, bu barədə Rusiya mətbuatına aviaşirkətin nümayəndəsi məlumat verib.

"Hazırlıq mərhələsi başa çatdıqdan sonra uçuşların başlanması üçün konkret tarix müəyyən ediləcək. Düşünürəm ki, uçuşlar mayın ikinci yarısından başlayacaq" - deyə şirkətin nümayəndəsi bildirib.

Onun sözlərinə görə, hazırda müntəzəm reyslərə hazırlığın texniki mərhələsi davam edir və Airbus A330 təyyarələrinin qəbulu və onlara xidmət göstərilməsi baxımından hava limanının texniki imkanları öyrənilir.