ABŞ Dövlət Departamenti Mərakeş Krallığına ümumi dəyəri 825 milyon dollar olan "Stinger" zenit-raket kompleksləri üçün raketlərin mümkün satışını təsdiqləyib.

Parol.az xəbər verir ki, bu barədə məlumatı ABŞ Müdafiə Nazirliyinin Xarici Hərbi Satışlar üzrə Təhlükəsizlik Əməkdaşlığı Agentliyi yayıb. Qeyd olunur ki, sözügedən agentlik hökumətlərarası müqavilələr əsasında hərbi texnika və silahların xarici ölkələrə çatdırılmasına cavabdehdir.

Bəyanatda bildirilir ki, Marokko ABŞ-dan 600 ədəd FIM-92K Stinger Block I raketi və onlarla bağlı texniki-logistik təminat istəyib.

Sənəddə vurğulanır ki, “təklif olunan satış ABŞ-ın xarici siyasət və milli təhlükəsizlik məqsədlərinə uyğundur, çünki bu, NATO-ya üzv olmayan əsas müttəfiqlərdən birinin müdafiə qabiliyyətinin gücləndirilməsinə töhfə verəcək”.