Avropa İttifaqı ABŞ-a qarşı sərt cavab rüsumlarının tətbiqi, eləcə də ABŞ silahlarının alışını azaltmaq imkanlarını nəzərdən keçirir.

Parol.az xəbər verir ki, bu barədə “Politico” qəzeti məlumat yayıb.

“Politico”ya görə, əks tədbirlərə yeni silah təchizatı kanallarının yaradılması, Avropa hərbi-sənaye kompleksinin muxtariyyətinin artırılması və sair kimi addımlar daxil edilə bilər.

Həmçinin Brüssel ABŞ şirkətlərinin, banklarının fəaliyyətini məhdudlaşdıra, patentləri etibarsız hesab edə və ya şirkətlərin proqram təminatı yeniləmələrindən və ya yayımdan gəlir əldə etməsinə mane ola bilər.

Bundan əlavə, Almaniya, Fransa və Polşa da gələcək müdafiə müqavilələrini ABŞ-dan Avropa istehsalçılarına köçürməyi düşünür.