Böyük Britaniyada terror təşkilatı PKK-ya qarşı aparılan istintaq çərçivəsində 7 nəfərin saxlanılmasından sonra vəziyyət bir qədər qarışıb.

Parol.az xəbər verir ki, ikinci dəfə etiraz aksiyası təşkil edən terror təşkilatı tərəfdarları yenidən polislə toqquşmadan çəkinməyiblər.

PKK tərəfdarları icma mərkəzi adı altında istifadə etdikləri dərnəyə doğru yürüş ediblər. Bu zaman onlar Türkiyə və B.Britaniya əleyhinə şüarlar səsləndiriblər. Aksiya iştirakçıları dərnək yaxınlığında barrikada qurmaq istəyən polislə toqquşmadan qaçmayıblar.

PKK tərəfdarları polis əməkdaşlarına şüşə butulkalar ataraq hücum etməyə cəhd ediblər. Bundan sonra qruplaşma ilə polis arasında dava baş verib.

Saxlanılanlar var.