Gürcüstan parlamentinin sədri Şalva Papuaşvili Qərbin bəzi siyasətçilərinin Gürcüstanın daxili işlərinə müdaxilə cəhdlərinə sərt reaksiyası ilə diqqət mərkəzinə düşüb.

Parol.az xəbər verir ki, Papuaşvili bəzi Avropa siyasətçilərinin zorakılığı sülh adlandırmasını ayıb adlandırıb. O bildirib ki, əgər bu normaldırsa öz ölkələrində o zaman hər gün baş versin.

Papuaşvili aksiyalar zamanı polislərə necə hücum edildiyini, 140 polis əməkdaşının yaralandığını xatırladıb:

"Atılan daşlar, “Molotov kokteyli”, pirotexniki vasitələr - avropalıların bütün bunları sülh və dinc nümayiş adlandırması ayıbdır. Bu, bir daha sübut etdi ki, bəzi xarici aktorlar reallıqdan nə qədər qaçırlar və bəziləri gürcü xalqından öz seçimini almaq üçün hər şeyi edirlər”.